Normalizazio linguistikoaren proiektuaren helburua, hezkuntza komunitate guztiaren aldetik euskararen erabilpenarekiko motibazioa izatea da bere erabileraren normalizazioa lortzeko gure gizartean.

Horretarako ekintza ezberdinak eramaten ditugu aurrera:

  1. Normlizazio Linguistikoko ULIBARRI programan parte hartzea: Berritzegunera bertaratzea formazioa eta informazioa jasotzeko, Normalizazio Linguistikoaren Komisioari jakinarazten zaiona eta beronekin partekatzen dena.
  2. Zentroko euskararen egoeraren diagnostikoa gauzatzea eta hezkuntza komunitate guztiaren aldetik euskararen erabilerarekiko konpromisoa berritzea eskola-eremuan.
  3. » Hizkuntza Normalkuntza 2014-2018» proiektua burutzea.
  4. Klaustrora, Eskola Kontseilura eta Berritzegunera aurkezten den Urteko Planaren lanketa.
  5. NOLEGA programan parte-hartzea euskarazko ahozko komunikazioa sustatzeko.
  • Ahozko adierazmena: Eskola – Antzerkigintza, Eskola – Bertsogintza eta Eskola – Kantagintza.
  • IKE: Eskola formalaz kanpoko ekintzak (jantoki osteko jarduerak, jolastokiak, pasilloak, autobusa,…).
  • EGE: Elkarbizitza euskal giroan euskara eguneko momentu guztietan erabiltzeko.
  • URRUZUNO: Bigarren Hezkuntzako ikasleriak parte-hartzen duen literatura-lehiaketa. Lan originalak eta euskaraz idatzitakoak aurkezten dituzte, aurretiaz argitaratu gabekoak.
  1. Eskolaz kanpoko jardueren bitartez, euskara sustatzen dugu ikastetxetik kanpo; euskaraz egindako ikuskizunetara bertaratzea, herriko ekintza ezberdinetan parte-hartzea, Euskararen Eguna, irteera kulturalak, etabar.